БИШКЕК, 17-июн. — Sputnik. Борбор калаадагы күрөөкананын кызматкери Sputnik Кыргызстан агенттигинин кабарчысына киши зарыгып турганда эмне деген гана буюмдарды алып келбей тургандыгын айтып берди.
Тирелген норка шуба
Баян
Улгайып калган киши эскирип, огеле көп обондор ойнолгон "Тула" үлгүсүндөгү баянды көтөрүп келди. Кулагы укпай калгандыгын айткан карыя, чаң басып жаткандан көрө күрөөканага өткөрүүнү ниет кылганын саймедиреген. Оорулуу небереси үчүн 10 миң сомго тапшырам деген ал карыга ломбарддагылар жардам бере албаптыр.
Чырдын башы — микротолкундуу меш болгондо…
Эгерде 1990-жылдар болсо, бул буюмдарды күрөөканадагылар "кудай" деп алып коюшмак, ал эми азыр кыйналбай эле "жок" дешет. Бир ирет ашканадагы тиричилик техникасын көтөрүп келген үй-бүлө жок деген жоопту угуп, жаңжал салыптыр.
Алтынга бууланган темир тиштер
Элүүгө таяп калган киши алтынга бууланган темир тиштерди алып келип, ал чыныгы алтындан жасалган деп жан алакетке түштү. Бирок, көптү көрүп калган кызматкерлер дароо эле кымбат баалуу металл эмес экенин билип коюшту. Берки киши мушташтан ыргып кеткен тиштеринен азыраак болсо да акча жасап алууга аракеттенгенин айтып, наалыптыр.
