Кыргызстандык зыяратчыларга Меккедеги бир мейманканадан 1500 орун берилди

Жазылуу
Меккедеги "Лажнатуль-Тансиик Маварау Нахр" фондусу былтыр да кыргызстандык зыяратчыларды 1300 орун менен камсыздаган.

БИШКЕК, 15-июн. — Sputnik. Мекке шаарындагы "Лажнатуль-Тансиик Маварау Нахр" фондусу кыргызстандык зыярат кылуучуларга 1500 орун берилгенин муфтияттан билдирди.

Маалыматка ылайык, муфтий Максат ажы Токтомушев жана орун басары Жоробай ажы Шергазиев фонд жетекчилери менен жолугуп, 2017-жылдагы кыргызстандык ажыларды мейманкана менен камсыздоо жана тейлөөнү жакшыртуу боюнча сүйлөшүүлөрдү жүргүзүштү.

"Эки тараптуу сүйлөшүүлөрдүн жыйынтыгында Сауд Аравия падышачылыгынын Ажылык министрлигинин алдындагы "Лажнатуль-Тансиик Маварау Нахр" фондусу кыргызстандык ажылар үчүн 1500 орун берерин айтып, жатаканада бардык шарттар болорун баса белгиледи", — деп айтылат маалыматта.

Эскерте кетсек, 2016-жылы аталган фонд кыргызстандык зыярат кылуучуларды 1300 орун менен камсыздаса, "Азия Усто" мекемеси 2385 орун берген. Бул мейманканалар Мекке шаарындагы ыйык "Харам" мечитине жакын жайгашып, ажылардын барып келүүлөрү үчүн кыйынчылык жараткан эмес.

Жаңылыктар түрмөгү
0
Алгач жаңыларыАлгач эскилери
loader