БИШКЕК, 15-июн. — Sputnik. Орловка шаарында жана Ак-Туз, Кажы-Сай айылдарында балдар аянтчасы жасалганын ПРООНдун (Бириккен Улуттар Уюмунун өнүктүрүү программасы) регионалдык офисинин коомчулук менен байланыш кызматынан билдиришти.
Алардын ар бирине карусель, селкинчек сыяктуу балдарга арналган жабдуулар жана отургуч, таштанды челектери ортнотулган.
Балдарга мыйдай белек ПРООНдун Россия тараптан колдоо көрсөтүлгөн "Кыргызстандагы радиоактивдүү калдыктарга жакын жайгашкан аймактарды социалдык жана экономикалык жактан өнүктүрүү" программасынын алкагында жасалды.
Балдар аянтчалары бала бакчалардын алдына жана эл жыш жашаган аймактарга коюлду. Долбоорлордун жалпы баасы 28 миң 460 долларды түздү.
