БИШКЕК, 12-июн. — Sputnik. Британиялык саясат таануучу Мэтью Гудвин парламенттик шайлоонун жыйынтыгын туура эмес божомолдоп алганы үчүн өзү чыгарган китепти жегенге мажбур болду. Бул туурасында Sky News телеканалы Twitter баракчасына жазды.
This man just ate (some of) his book live on Sky News after making an incorrect #GE2017 prediction @GoodwinMJ pic.twitter.com/13IaFLaJvx
— Sky News (@SkyNews) 10 июня 2017 г.
Саясат тануучу шайлоонун жыйынтыгын алдын ала божомолун айтып, эгер лейбористтер 38 пайыз добуш алса өзүнүн китебин жейм деп убада берген. Бирок шайлоонун жыйынтыгында лейбористтер 40 пайыз добуш алган. Мындан улам ал Sky News телеканалынын түз эфиринде убадасын аткарган.
"Мен бул жерде отуруп китебимди жейм, ал эми сиздер мени тарта бериңиздер", — деген Гудвин.
Узаган бейшемби күнү Улуу Британияда мөөнөтүнөн мурда парламенттик шайлоо өткөрүлгөн. Анда Консерваторлар 42,4 пайыз добуш менен 318 мандат, лайбористтер 40 пайыз добуш менен 262 мандат алган.
