Космосту иликтеген окумуштуу Өзгөрүш Шаршекеев дүйнө салды

© flickr.com / Elizabeth McClayУшел из жизни Эрмек Мойдунов.
Ушел из жизни Эрмек Мойдунов. - Sputnik Кыргызстан
Жазылуу
Кыргыз илими менен педагогикасынын өнүгүшүнө кошкон зор салымы үчүн Шаршекеев мамлекет тарабынан бир катар сыйлыктарга ээ болгон.

БИШКЕК, 8-июн. — Sputnik. Үстүбүздөгү жылдын 7-июнь күнү белгилүү окумуштуу, КР Эл мугалими, Улуттук илимдер академиясынын мүчө-корреспонденти Өзгөрүш Шаршекеев 82 жаш курагында дүйнөдөн кайтты. Бул тууралуу өкмөттүн маалымат кызматы билдирди.

Шаршекеев 1935-жылдын 12-апрелинде Ысык-Көл облусунун Ак-Суу районундагы Кереге-Таш айылында туулган. 1959-жылы Кыргыз мамлекеттик университетин бүтүрүп, 1960-1997-жылдары Кыргыз улуттук университетинде окутуучу, аспирант, ага окутуучу, доцент, кафедра башчысы болуп иштеген. 2010-жылдан тартып өмүрүнүн аягына чейин теориялык физика кафедрасынын профессору болуп эмгектенип келген.

Маркум космосту изилдөө багытында илимий иликтөөлөрдү жүргүзгөн саналуу кыргыз окумуштууларынын бири эле. Анын 100дөн ашык илимий эмгектери, анын ичинен үч монография жана кыргыз тилинде жазылган орто мектептин окуучулары үчүн бир катар окуу китептери жарыкка чыккан.

Кыргыз илими менен педагогикасынын өнүгүшүнө кошкон зор салымы үчүн Шаршекеев мамлекет тарабынан бир катар сыйлыктарга ээ болгон.

Жаңылыктар түрмөгү
0