БИШКЕК, 8-июн. — Sputnik. 20-июнда Москвадагы мамлекеттик Кремль сарайында Кыргызстандын маданият күндөрүнүн ачылышы болот. Бул тууралуу Кыргызстандын Россиядагы элчилигинен билдиришти.
Кирүү акысыз, маданий иш-чара саат 19:00дө башталат.
Маданият күндөрү эки тараптуу маданий-гуманитардык кызматташуу жаатындагы эле маанилүү иш-чара болуп саналбастан, кыргыздын улуттук ырларын, классикалык музыкасын угууга жакшы мүмкүнчүлүк экени элчилик тараткан билдирүүдө айтылат. Маданият күндөрүнүн алкагында кыргыз эстрада жылдыздары да өз өнөрлөрүн тартуулайт.
Андан сырткары 15 күнгө созулган көргөзмө уюштурулуп, бир катар маданий иш-чаралар пландалган.
