БИШКЕК, 8-июн. — Sputnik. Кыргыз-казак чек арасындагы модернизацияланган "Кең-Булуң" өткөрүү пункту колдонууга берилгендигин өкмөттүн маалымат кызматынан билдиришти.
Аталган өткөрүү пункту суткасына 700 унаа менен 5000 миң адамды өткөрүүгө ылайыкталган. Ачылыш салтанатка өкмөт башчы Сооронбай Жээнбеков катышты.
Анын айтымында, чек арадагы коопсуздукту камсыз кылуу — өкмөттүн башкы милдеттеринин бири.
"Кыргызстан ЕАЭБге кирердин алдында алдына коюлган бардык талаптарды аткаруу үчүн көп күч жумшады. Каражаттардын келишин күтүп отурбай эле республикалык бюджеттин эсебинен зарыл болгон объектилерде курулуш, оңдоо иштерин жүргүздүк", — деди Жээнбеков.
Чек ара кызматынан жетекчисинин орун басары Данияр Сатимов белгилегендей, бул жерде өлкөгө кирип келе жаткан коноктор жана чек ара кызматкерлери үчүн бардык ыңгайлуу шарттар түзүлгөн.
Адам укуктарынын бузулушунун алдын алуу максатында өткөрүү пункту толук бйодон видео көзөмөл менен камсыз болду.
