БИШКЕК, 8-июн. — Sputnik. Бишкек мэриясы "Чыгыш-5" районун оңдоп-түзөп, аймакты жакшы жакка өзгөртөт. Бул тууралуу муниципалитеттин маалымат кызматы билдирди.
Аталган аймакка фонтан орнотулуп, кенен аллея салынат. Ошондой эле жарым гектар аянтка унаа токтотуучу жер алдындагы жай менен соода аянтчалары курулат.
Жер алдындагы автоунаа токтотуучу жайдын ичин жарыктандыруу үчүн анын үстүн оюп, ал жакка жасалма көлмө салынат. Күндүз күндүн нуру түшсө, кечкисин атайын жарыктар орнотулат.
Планда Чүй просектисин бойлой, Айтматов көчөсүнөн Свердлов акимиатына чейинки аралыкка туурасы 13 метр болгон аллея куруу каралган. Ал жакка бак отургузулуп, газон төшөлөт жана үч фонтан орнотулат.
