Өзүбеков: айылдарды өнүктүрүү үчүн тоо туризмине басым жасоо керек
Айылдарды өнүктүрүү үчүн тоо туризмине басым жасоо керек. Бул тууралуу Коомчулукка негизделген кыргыз туризм ассоциациясынын аткаруучу директору Мырзабек Өзүбеков Sputnik Кыргызстан радиосуна маек куруп жатып билдирди.
Анын айтымында, айылдагы туризмди өнүктүрүү үчүн көп каражат керектелбейт.
"Учурда дүйнө жүзү боюнча ар бир жетинчи адам саякаттап жүрөт. Алар көбүн эсе тоо жана эко туризмге басым жасайт. Андыктан айылдарды өнүктүрүү үчүн тоо жана эко туризмге басым жасоо керек", — деди Өзүбеков.
Ал туризмди азыртан өнүктүрбөсө эртең кеч болоорун кошумчалады.
