БИШКЕК, 7-июн. — Sputnik. Инвестицияларды жана экcпортту илгерилетүү боюнча Мамлекеттик агенттиктин директору Алымбек Орозбековго премьер-министр Сооронбай Жээнбеков катуу сөгүш берди. Бул тууралуу өкмөттүн маалымат кызматы билдирди.
Өкмөттүн аппараты тарабынан аталган агенттиктин чыгымдары жөнүндөгү маселе боюнча кызматтык иликтөө жүргүзгөн.
"Анын жыйынтыгында 2016-жылдын октябрында "Супара" этно-комплексинде премьер Жээнбеков чет элдик делегация менен кечки тамактанууга катышкан деген маалымат чындыкка дал келбестиги аныкталды", — деп айтылат маалыматта.
Кызматтык териштирүүнүн корутундусунун негизинде Алымбек Орозбековго катуу сөгүш жарыяланды жана агенттиктин башкы бухгалтеринин милдетин аткаруучу А.Акматалиевага тийиштүү бухгалтердик документтерди жасагандыгы үчүн жумуштан четтетүү чечими кабыл алынды.
