БИШКЕК, 5-июн. — Sputnik. Лондондо эки ирет болуп өткөн терактынын жоопкерчилигин "Ислам мамлекети" террордук уюму мойнуна алганын Рейтер агенттигине таянуу менен РИА Новости жазып чыкты.
Эскерте кетсек, Лондон шаарында 4-июнга караган түнү жасалган эки терактыдан жети адам каза таап, 50гө жакыны ооруканага түштү. Шаардын көпүрөсүндө жүргөндөрдү террорчулар башкарган кичи автобус тебелетип кетсе, ал эми Боро деп аталган базардын жанындагы адамдар алардан бычак жеген.
Кылмышкерлер полиция тарабынан жок кылынган.
Бул акыркы 2,5 ай ичинде Улуу Британияда жасалган үчүнчү теракты болду. Буга чейин эки ирет жасалган кол салуудан бир канча киши мерт кеткен.
