БИШКЕК, 5-июн. — Sputnik. Шейшемби күнү туруксуз аба ырайы сакталып, мезгил-мезгили менен жаан жаайт. Бул тууралуу Кыргызгидромет билдирди.
Кээ бир райондордо батыштан соккон шамалдын ылдамдыгы секундасына 17-22 метрге жетиши күтүлөт.
"Бишкек жана Ош шаарларында 26-28 градус жылуу болот", — деп жазылат маалыматта.
Абанын күндүзгү температурасы төмөндөп, дыйканчылык аймактарында 20…25 градус, тоолуу райондордо 7…12 градус, бийик тоолуу райондордо 0…5 градус жылуу болот.
Мындай туруксуз аба ырайы автоунаа, энергетика жана коммуналдык кызматтардын ишин кыйындатат.
