Касымбеков: мамлекеттик ыйгарым укуктар жеке мал доктурларга өткөрүп берилет
Мамлекеттик ыйгарым укуктар жеке мал доктурларга өткөрүп берилет. Бул тууралуу Айыл чарба, тамак-аш өнөр жайы жана мелиорация министрлигинин адиси Жолдошбек Касымбеков Sputnik Кыргызстан радиосуна маек куруп жатып билдирди.
Анын айтымында, ветеринарияга жеке мал доктурларды тартууну камтыган мыйзамга президент кол коюп, ал жакынкы күндөрү күчүнө кирет.
"Мамлекеттик ыйгарым укуктар жеке мал доктурларга өткөрүп берилип, атайын аймактар бөлүштүрүлөт. Ошол аймактар боюнча ишмердүүлүгүн жүргүзүп, көрсөткөн кызматы үчүн элден акча алат", — деди Касымбеков.
Ал жеке мал доктурлардын ишмердүүлүгүн мамлекеттик ветеринарлар көзөмөлдөп турарын кошумчалады.
