БИШКЕК, 4-июн. — Sputnik. Швециядагы Упсалы университетинин окумуштуулары чай аялдардын ден соолугуна канчалык пайдалуу экенин иликтеп чыгышты. Бул тууралуу РИА Новости Human Molecular Genetics журналына таянуу менен жазып чыкты.
Маалыматка ылайык, окумуштуулардын иликтөөсүнө үч миңден ашуун жаран катышкан.
"Чай рак илдетинин өрчүшүнө тоскоол болуп, гендеги белоктордун алмашуусуна жакшы шарт түзөт. Мындан сырткары, эстрогендердин деңгээлин төмөндөтөт. Бирок бул көрсөткүчтөр айымдар үчүн гана", — дейт Швециядагы Упсалы университетинин профессору Вероника Эк.
Изилдөөдө аялдардын эркектерге караганда көбүрөөк чай ичээри айтылат.
