"Дордой" базарынын жанынан милиционер менен айдоочу айтыша кетти

© Sputnik / Табылды КадырбековКайгуул милиция кызматкерлери. Архив
Кайгуул милиция кызматкерлери. Архив - Sputnik Кыргызстан
Жазылуу
Окуя айланма жолдо болгон, укук коргоо органдары абалды иликтей турганын айтышты.

БИШКЕК, 2-июн. — Sputnik. Кайгуул милиция кызматкери менен кайым айтышуусун айдоочу Sputnik Кыргызстан агенттигинин WhatsApp номери аркылуу жиберген.

Анын айтымында, окуя 28-майда эртең мененки саат 7:30дар чамасында "Дордой" базарына жакын жерде болгон.

"Мен атайын машинанын артына 3-5 мүнөттөй токтоп, досумду күттүм. Муну Кайгуул милиция кызматкерине да айттым. Ал мени сөгүп-сагып абалды чырга айлантууга аракет кылды… Досум келгенде машинага отуруп, аны от алдырганда милиционер жолду тосуп алды", — деди айдоочу.

Работа сотрудников патрульной милиции в КР - Sputnik Кыргызстан
ЦУМдагы унаа токтотуучу жайдын тескөөчүсүн коркуткан айдоочу кармалды
Видеодон төшкө таккан жетондо "ЧС 167" деп жазылып турганын жана милиционер күбөлүгүн камерага көрсөтүүдөн баш тартып жатканын көрүүгө болот. Милиционер айдоочуну жолдун кесилишине токтогонун жана коопсуздук курун тагынган эмессиң деп айтып жатканы тартылып калган. Бирок видеонун ээси Кайгуул милициясынын автоунаасынын артына токтоп, жолдун кесилишинен 15 метрдей ары турганын айткан.

Айдоочу ошондой эле ага карата коопсуздук курун тагынган эмес деп административдик протокол түзүлгөнүн билдирди.

Чүй ОИИББдин маалымат кызматы окуянын чоо-жайын текшере турганын айтып, эгер инспектордун күнөөсү аныкталса ага карата дисциплинардык чара көрүлөрүн кошумчалашты.

Жаңылыктар түрмөгү
0