БИШКЕК, 2-июн. — Sputnik. Австралиянын жээгинен окумуштуулар адаттагыдан башкача, тири укмуш балык кармашканын РИА Новости Phys.org порталына таянып жазды.
If he only knew how famous he'd become, imagine the look on his face! Oh…wait #faceless #abysslife #RVInvestigator https://t.co/VmtNTQH8ah pic.twitter.com/utrJZuIER9
— CSIRO (@CSIROnews) 31 мая 2017 г.
Маалыматта суунун эң терең жерин аймактаган балык латынча Typhlonus nasus деп аталаарын, анын көзү жок экендиги жазылган. Ал эми оозу жумуру башынын ылдый жагында экендигин көрүүгө болот. Бул жаныбар тууралуу алгачкы маалыматты XIX кылымдын 70-жылдарында Челленжер деп аталган экспедициялык кемедегилер жазып калтырган.
Окумуштуулар кармаган балыктын узундугу 40 см экенин ченеп аныкташкан. Анын суунун 4 чакырым тереңдигинде жашаары белгилүү болду.
"Андай тереңдиктеги аймактар жердин эң аз изилденген бөлүктөрү", — деп айткан Investigator деп аталган кемедеги илимий экспедициянын катышуучусу Тима О'Хара.
Аталган экспедиция Австралиядагы сапары учурунда илимге белгилүү боло элек дагы бир топ деңиз жаныбарларын, сууда жашаган майда жандыктарды кармаган.
