Бишкекте жүк ташуучу унаадан өрт чыкканын Sputnik Кыргызстан агенттигине күбө билдирди.
Анын айтымына караганда, кырсык саат 15.00дөр чамасында "Кара-Жыгач" кичи районундагы Горький көчөсүндө катталган.
ӨКМдин маалымат кызматы КамАЗдан өрт чыкканын ырастады.
"Өрт тууралуу маалымат саат 15.08де келип түштү, 15.40да толугу менен өчүрүлдү. Жабыр тарткандар жок. Өрт КамАЗдын кабинасынан чыккан", — деп маалымат кызматынан билдиришти.
Ошондой эле өрттүн чыгуу себептери 2-июнда белгилүү болорун кошумчалашты.
