Салянова: электр энергиясындагы жеңилдетилген тарифтин көлөмү жетишсиз
Жеңилдетилген тарифтердин көлөмүн 1000 киловаттан да жогорулатуу керек. Бул тууралуу "Ата Мекен" фракциясынын депутаты Аида Салянова парламентте ар кандай маселелер каралып жатканда билдирди.
Анын айтымында, жеңилдетилген тариф эсепсиз эле көтөрүлгөн.
"Тоолуу райондордо электр энергиясына жеңилдетилген тарифтер иштейт. Алардын көлөмү 1000 киловатт. Мурун 700 киловатт эле, кийинчерээк эч бир эсепсиз эле 1000 киловаттка көтөрүштү. Негизи бул дагы жетишсиз", — деди Салянова.
Депутат Нарында кышкысын үй-бүлө мүчөлөрү бир комнатага тыгылып жашоого мажбур болуп жатканын кошумчалады.
