Социалдык коргоого муктаж жана майып балдарга бир ай бою бекер медициналык кызматтар көрсөтүлөт.
БИШКЕК, 1-июн. — Sputnik. Балдарды коргоо эл аралык күнүнө карата Ош шаардык кеңешинин депутаттары Алымбек датка эс алуу багында майрамдык иш-чара уюштурушту. Бул тууралуу Sputnik Кыргызстан агенттигинин аймактык кабарчысы жеринен билдирди.
Ошондой эле Бабур атындагы драма театры театрлаштырылган оюн-зоок тартуулады.
Маалыматка караганда, "Алтын уя" балдар үйүнүн тарбиялануучулары менен калаадагы бөбөктөргө акысыз балмуздак таратылган. Ошондой эле Бабур атындагы драма театры театрлаштырылган оюн-зоок тартуулады.
Мындан тышкары, борбордук аянтта "Менин шаарым" аттуу асфальтка сүрөт тартуу сынагы уюштурулуп, жеңүүчүлөр баалуу белектерге ээ болушту.
Ошондой эле калаа мэриясы тарабынан балдар үчүн бир айлык жарыяланды. Ага ылайык социалдык коргоого муктаж жана майып балдарга акысыз медициналык жардам көрсөтүлүп, Токтогул Сатылганов атындагы сейил бактагы аттракциондорго талон менен бекер кире алышат.
