Кулайын деген бак "Эркиндиктин" Киев жана Токтогул көчөлөрүнүн ортосундагы бөлүгүндө турат.
БИШКЕК, 29-май — Sputnik. Бишкек шаарындагы Эркиндик гүл багында бак тротуарга кулап калчудай ийилип, кооптуулук жаратып жатканын күбө Sputnik Кыргызстан агенттигинин WhatsApp номери аркылуу билдирди.
Ал кулайын деген бакты бүгүн эртең менен көргөнүн айтат.
Ал кулайын деген бакты бүгүн эртең менен көргөнүн айтат.
"Эркиндик багынын Киев жана Токтогул көчөлөрүнүн ортосундагы бөлүгүндө бак кулайын деп ийилип турат. Анын түбү да бошоп калыптыр. Эгер кичине эле шамал болсо кулап калчудай. Бул жерде ата-энелер кичине балдары менен көп жүрөт. Аларды басып калса ким жооп берет", — деди ал.
"Зеленстрой" муниципалдык ишканасы кооптуулук туудурган бак бүгүн алынарын билдирди.
Эгер кандайдыр бир кызыктуу окуяларга туш болуп калсаңыз сүрөт, видеолорду биздин +996 706 566 544 WhatsApp номери аркылуу жөнөтүп кабарласаңыз болот.
