БИШКЕК, 29-май — Sputnik. Бишкектеги турак-жайлардын баасы кардарлардын чөнтөгүнө канчалык туура келери жөнүндө Sputnik Кыргызстан агенттигине Риелторлор ассоциациясынын жетекчиси Сергей Пьянков айтып берди.
Анын билдиргенине караганда, 90-жылдардын аягында, 2000-жылдардын башында Бишкекте батирлердин баасы азыркыдан 10 эсе арзан болчу. Анткени ал убакта кыймылсыз мүлк рыногу жаңыдан эле жанданып, эл турак-жай аркылуу киреше табууну өздөштүрө баштаган.
"Ал жылдары турак-жайды ижарага берүү боюнча дагы элде түшүнүк аз болчу. Үйдүн чыныгы баалуулугун билбегендиктен, баасы өтө төмөн эле. Мисалы, 2000-жылы "Аламүдүн — 1" кичирайонунда бир батирди 1800-2000 доллардан сатышчу", — деди Пьянков.
Ал ошондой эле эл азыр кыймылсыз мүлктүн баалуулугун жакшы билип калгандыктан, жакын арада бааларда аз-маз гана өзгөрүүлөр болбосо, кескин арзандоолор болбой турганын божомолдоду.
