БИШКЕК, 28-май — Sputnik. Техас штатында абакта отурган мурдагы медайым Женин Жонс 60 баланын канына забын болушу мүмкүн. Бул туурасында РИА Новости Франс Пресс агенттигине шилтеме кылып жазды.
Ушу тапта ал 30 жылдан бери баланын өлүмүнө себепкер болгон деген күнөө менен эки жаза мөөнөтүн өтөп жаткан кези.
"Жонс кеминде алтымыш баланын өлүмүнө себепкер болгон деп күнөөлөнүп жатат", — деп айтылат Сан-Антонионун аймактык прокурорунун маалыматында.
Ага айып 1984-жылы тагылып, 99 жылга эркинен ажыратуу өкүмү чыккан.
Маалыматта медайым бир жаш эки айлык бөбөккө ашыкча көлөмдө дары сайып алып, ал чарчап калган деп айтылат. Агенттик буга кошумча дагы бир башка балага көп өлчөмдө дары салып, бирок дарыгерлер сактап калганга жетишкен деп жазган.
Алтымыш баладан сырткары, Жонско үч жыл мурда дагы бир баланын өлүмү боюнча күнөө тагылган.
