Төрөбеков: эл жандуу музыкага дайым суусап келет
Эл жандуу музыкага дайым суусап келет. Бул тууралуу КРдин Эмгек сиңирген артисти, белгилүү опера ырчысы Чырмаш Төрөбеков Sputnik Кыргызстан агенттигине маек берип жатып айтты.
Өнөрпоз алдыдагы пландары менен бөлүшүп жатып, жакында эле улуттук филармониянын эмгек жамааты ордолуу Ош шаарына барып, концерт коюп келгенин белгиледи.
"Эл жандуу концертке суусап калыптыр. Өзүбүз да жылуу маанайда кайттык. Июль айынын башында Москва шаарында кыргыз маданиятынын күндөрү өтөт. Эс алууга кеткенге чейин ушул иш менен алек болобуз", — деди ырчы.
