Эшенбаев: Токтогул көчөсү Курманжан датка көчөсүнө чейин узартылат
Борбор калаадагы Токтогул көчөсү Курманжан датка көчөсүнө чейин узартылат. Бул тууралуу Бишкек мэриясынын капиталдык курулуш башкармалыгынын жетекчиси Нурлан Эшенбаев Sputnik Кыргызстан радиосуна маек куруп жатып билдирди.
Анын айтымында, учурда курулуш иштери жүрүп жатат.
"Бишкек шаарындагы Токтогул көчөсү чыгышты карай узарып, Мамбетов көчөсүнө кошулат да Курманжан датка көчөсүнө чейин барат. Ошондуктан Мамбетов көчөсүндө ремонт иштери башталды", — деди Эшенбаев.
Ал эки көчөнү кошуу үчүн Аламүдүн суусуна көпүрө салынарын кошумчалады.
