Билим берүү жана илим министрлигинин маалыматы боюнча, быйылкы жылы өлкөдө 11-классты 62 миңге чукул бүтүрүүчүсү аяктап жатат. Министр Гүлмира Кудайбердиева акыркы коңгуроо 25-майда боло турган буйрукка кол коюп, мектеп жетекчилерине акча чогултуп, бүтүрүүчүлөр жана алардын ата-энелери менен бирге кафе, ресторанга барып, жаратылышка чыгууга тыюу салган.
Ага карабай жер-жерлерде кызуу даярдыктар көрүлүп, бүтүрүүчүлөр ата-энелери менен кийим-кечесинен тарта, кафе-ресторандарына чейин дайындай башташкан.
Алардын ичинде кыздар кечеге кеминде 10000 миңге чукул акча сарптаса, уландар 7000ге чейинки каражатка даярданышат.
Эскерте кетсек, борбор калаадагы №56 мектептин бүтүрүүчүлөрү коштошуу кечесинен баш тартышкан. Кечеге көп каражат сарпталарын айтышып, кеткен акчаны жогорку окуу жайга өтөөрдө пайдалануу оң экенин белгилешкен.
