Шерипова: былтыр бир жыл ичинде болгон табигый кырсык быйыл 5 айда катталды
Үстүбүздөгү жылдын беш айында эле 253 табигый кырсык катталды. Бул тууралуу Өзгөчө кырдаалдар министрлигинин маалымат катчысы Элмира Шерипова Sputnik Кыргызстан радиосуна маек куруп жатып билдирди.
Анын айтымында, быйыл табигый кырсыктар көп катталууда.
"Эгерде статистиканы карасак, өткөн жылы 248 өзгөчө кырдаал катталган. Быйыл болсо беш айдын ичинде эле 253 табигый кырсык болду", — деди Шерипова.
Ал табигый кырсыктын алдын алууда жергиликтүү өзүн-өзү башкаруу органдары жакшы иш алып барбай жатканын кошумчалады.
