Исаков: Бишкектеги төрт парк жакшыртылат
Бишкек шаарындагы төрт парк ремонттолот. Бул тууралуу калаанын вице-мэри Эркинбек Исаков Sputnik Кыргызстан радиосуна маек куруп жатып билдирди.
Анын айтымында, шаарды жашылдандыруу жана парктарды оңдоого 120 миллион сом бөлүнгөн.
"Бүгүнкү күндө мэрия тарабынан шаарды жашылдандыруу аракеттери көрүлүп, жыл башынан бери алты миң көчөт тигилди. Жыл аягына чейин 10 миңге жакын көчөт отургузууну пландап жатабыз. Мындан сырткары, калаадагы төрт парк жакшыртылат", — деди Исаков.
Вице-мэр каналдар, арыктар дагы тазаланып жатканын кошумчалады.
