"Билим уясы" коомдук уюмунун жардамы менен курулуп жаткан жатак мектеби 315 балага ылайыкталган.
БИШКЕК, 23-май — Sputnik. Баткен облусунун Лейлек районунда жашоо шарты начар үй-бүлөлөрдүн балдары үчүн жатак мектеби курула баштады. Бул тууралуу Sputnik Кыргызстан агенттигинин аймактык кабарчысына райондук жетекчиликтен билдиришти.
Аталган жатак мектеп быйыл пайдаланууга берилиши күтүлүүдө.
Аталган мектеп Лейлек районундагы социалдык жактан аз камсыз болгон үй-бүлөлөрдүн балдарына жана жетимдерге багытталган.
"Билим уясы" коомдук уюмунун жардамы менен курулуп жаткан мектеп 315 балага ылайыкталган. Билим алуу жайына алыскы аймактан келген балдар жатып окушат. Имарат спорт зал жана стадиону менен кошо салынат. Курулуш иштерине жалпы 70 миллион сом сарпталат", — деди аймактык кабарчы.
Аталган жатак мектеп быйыл пайдаланууга берилиши күтүлүүдө.
