БИШКЕК, 22-май — Sputnik. Сауд Аравияда ысыктан акактаган жыланга адамдар бөтөлкөдөн суу беришти. Интернетке тараган бул видео тууралуу Daily Mail басылмасы жазып чыкты.
Окуя Сауд Аравиянын чөлдөрүнүн биринде болгон. Видеодон катуу суусаган жылан кадр сыртындагы адам кармап турган бөтөлкөдөн жанталашып суу ичип жатканын көрүүгө болот.
Басылманын маалыматына ылайык, окуя Руб-эль-Хали чөлүндө болгон деп болжолдонууда. Андагы абанын температурасы учурда 40-50 градуска жетип жатат.
Буга чейин ушундай эле окуя Индияда катталып, жылан калк жайгашкан аймакка келип, суусунун кандырып кеткен.
