БИШКЕК, 19-май — Sputnik. АКШнын биологдору цитрус бактарынын вирусун апельсин бактарынын бактериясына каршы күрөшүүчү касиетке ээ кылышты. Бул тууралуу Nature маалымат сайты жазып чыкты.
Аталган вирус апельсин бактарынын мөмөлөрүн кычкыл кылып, алардын бышпай жашыл бойдон калышын шарттайт.
"Бул оору алгачкы жолу 2005-жылы массалык түрдө жайылган. Биз үчүн бул коңгуроо болду. Анткени ал мөмө багын бат эле талкалап койгон. Ошондуктан ага карата чара көрүшүбүз керек болчу", — деди Флорида университетинин агроному Фред Гмиттер.
Апельсин плантацияларынын учурдагы эң коркунучтуу "жашыл цитрус" оорусу абдан кооптуу. Бул вирус 20-кылымдын ортосунда Кытайда байкалган. Бирок ал акыркы учурда гана тездик менен жайыла баштаган.
Учурда бул аракеттер лабораториялык сыноодон ийгиликтүү өттү.
