БИШКЕК, 18-май. — Sputnik. Жума күнү да өлкө аймагында жамгыр жаай турганын Кыргызгидрометтен билдирди.
Маалыматка ылайык, бийик тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетет.
Чүй жана Талас өрөөнүндө 18…23 градус, Ош, Жалал-Абад жана Баткенде 22…27 градус, Ысык-Көл менен Нарында 19…21 градус жылуу болот.
Ал эми борбор калаа менен Ош шаарында дагы жаан жаап, абанын температурасы 22…25 градуска чейин көтөрүлөт.
