БИШКЕК, 18-май — Sputnik. Түркияда жол кырсыгына кабылган автобуста украиналык туристтер болгонун РИА Новости агенттиги билдирди.
Жол кырсыгы бүгүн эртең менен Мугла провинциясында Стамбул — Денизли автожолунун 30-чакырымында катталган. Жаан жаагандыктан жол тайгалак болуп калганы айтылууда. Туристтер Памуккале аймагына бир күндүк экскурсияга чыгышкан.
Автобуста жалпысынан гид менен айдоочуну кошкондо 18 киши болсо, алардын 16сы украиналык эс алуучулар болгон. Жабыркагандардын экөө ооруканага жаткырылса, калгандарына жеринде медициналык жардам берилген.
