БИШКЕК, 17-май — Sputnik. Бишкек шаарынын тургуну Назар Канаев жоголгон телефонун Dropbox файл алмашуу тиркемесинин жардамы менен ким алып жүргөнүн таап алды.
Ал өзүнүн Facebook баракчасына жекшемби күнү телефонун жоготуп жибергенин жазган.
Чалууга жана тексттик билдирүүгө эч ким жооп берген эмес. Ал эми бүгүн Канаевдин документтерди сактоочу Dropbox тиркемесине телефондун жаңы ээсинин селфи сүрөттөрү келип түшкөн.
"Бүгүн Dropbox тиркемеме жакшынакай сүрөттөр келип түштү (камера менен синхронизация кошулган). Мага окшобогон эле бала өзүнүн жаркын жүзүн сүрөткө тартыптыр", — деп өзүнүн баракчасына жазды аппаратын уурдаткан бала.
Ал ошондой эле күлгүн түстөгү футболка кийген баланы издеп табууга жардам берүүнү суранат.
