БИШКЕК, 14-май. — Sputnik. Чүй облусунун Кемин районунда чек ара кызматкеринин сөөгү табылды. Бул тууралуу Sputnik Кыргызстан агенттигине күч түзүмдөрүнөн кабарлашты.
24 жаштагы чек арачы 24-апрель күнү дайынсыз кеткен. Окуя тууралуу ИИМге дароо кабарланып, ӨКМ, Аскер прокуратурасы, ата-энеси аны издей баштаган.
"Кечээ анын сөөгү Токмок шаарына чукул суу мунарасынын жанынан табылган. Алдын ала маалыматтар боюнча ал чөгүп кеткен", — деп айтылат билдирүүдө.
Күч түзүмдөрү чек арачы кызмат учурунда каза болбогонун баса белгилешүүдө.
