БИШКЕК, 14-май — Sputnik. Борбор калаадагы Аламүдүн базарында үч миң орундуу мечит ачылды. Бул тууралуу муфтияттан билдиришти.
Маалыматка ылайык, 13-майда өткөн мечиттин ачылыш аземине өкмөттүн аппарат жетекчиси Акылбек Осмоналиев, Муфтий Максатбек ажы Токтомушев, Бүткүл дүйнөлүк жаштар ассамблеясынын Сауд Аравиядагы башкы катчысы Солих Аль Мухиби, Бүткүл дүйнөлүк жаштар ассамблеясынын Кыргызстандагы жетекчиси Саид Баюми жана депутаттар менен коомдук ишмерлер катышкан.
"Жаштар ассамблеясы" аталышындагы жаңы мечит заманбап ыкма менен курулуп, төрт кабаттан турат. Биринчи, экинчи кабаты ибадат кана болсо, экинчи кабатынын жарымында аялдардын залы менен имамдын иш кеңсеси жайгашкан. Ошондой эле экинчи кабатта унаа токтотуучу жай дагы орун алган. Мечиттеги дагы бир өзгөчөлүктөрдүн бири мүмкүнчүлүгү чектелген жарандарга атайын пандустар орнотулган", —деп жазылат маалыматта.
Белгилей кетсек, мечит Курманжан датка жана Муса Жалил көчөлөрүнүн кесилишинде жайгашып, Жаштар ассамблеясынын демилгеси менен курулган.
