БИШКЕК, 11-май — Sputnik. Камбоджанын бийлиги кармоо шарты жакшы болгон түрмө курат. Ал жакта жаза мөөнөтүн өтөө үчүн кесилгендер акча төлөшү керек. Бул тууралуу РИА Новости агенттиги Phnom Penh Post басылмасына таянуу менен жазып чыкты.
"Бул жайда акча төлөй алган гана кишилер кармалат, баасы канча болорун курулуш компаниясы аныктайт. Биринчи этапта ал жакта 400 киши болот", — деп айтылат маалыматта.
VIP түрмөдөгү камералар кенен жана дене тарбия көнүгүүлөрү менен сыйына турчу жайлар дагы болот. Жалпы баасы 4 миллион долларды түзгөн курулуш иштерин Кытайдан Kunn Rekon Holdings компаниясы жүргүзөт. Жаңы курулуучу имараттар эски имаратка уланып салынат.
Биринчи блок колдонууга 2018-жылдын ортосунда берилет. Маалыматка ылайык, акча төлөнө турчу камерадан түшкөн акчаны курулуш компаниясы менен жергиликтүү бийлик 45 жыл бою бөлүшүп турат.
