БИШКЕК, 10-май. — Sputnik. АКШнын президенти Дональд Трамп шейшемби күнү ФБРдин директору Жеймс Комини "милдетин так аткарган эмес" деген кине менен кызматтан алды. Бул туурасында РИА Новости жазып чыкты.
11 Чын Куран 2017, 13:00
Трамптын күтүсүз жерден кабыл алган чечими оппозициячыл демократтардын нааразычылыгын жараткан.
Коми Трамптын кызматкерлерине каршы туруп Ак үй да, Кремль да төгүндөп келген "Россия менен байланыштуу" иштерди иликтеп жаткан. Ошондой эле Хиллари Клинтон да 2016-жылы өткөн президенттик шайлоодо өзүнүн жеңилип калуусуна Коминин тиешеси болгон деп айыптап келет.
Жеймс Коми 2013-жылы Обаманын бийлиги учурунда ФБРдин директору болуп 10 жылдык мөөнөткө дайындалган.
