БИШКЕК, 10-май. — Sputnik. Борбор калаада Катар мамлекетинин маданий күндөрү өткөрүлө тургандыгын Маданият, маалымат жана туризм министрлигинен кабарлашты.
Билдирүүгө ылайык, маданий иш-чара 10-майдан 12-майга чейин уюштурулат.
11-май күнү 18:00дөн 18:30га чейин Абдылас Малдыбаев атындагы опера жана балет театрынын фойесинде катарлык сүрөтчүлөрдүн эмгектери көргөзүлүп, 18:45те ушул эле театрда көркөм өнөр чеберлеринин концерти өтөт.
12-майда 12:30дан 15:00гө чейин Алыкул Осмонов атындагы Улуттук китепканасынын араб залында Катар мамлекетинин чыгармачыл жана илимий окутуучуларынын лекциясы окулат.
Иш-чара 12-май 16:00дө Калый Молдобасанов атындагы Улуттук консерваторияда кыргыз жана катар көркөм өнөр чеберлеринин концерти менен жыйынтыкталат.
Аталган иш-чараларга кирүү акысыз.
