Биздин мекендеш кызыбыз үч өлкөдөн келген 67 ырчынын ичинен мыкты деп таанылды.
БИШКЕК, 8-май — Sputnik. Сегиз жаштагы Томирис Алымсеитова Астана калаасында өткөн “Ачык Казакстан” деп аталган эл аралык конкурс-фестивалда биринчи орунду ээледи. Бул туурасында Sputnik Кыргызстан маалымат агенттигине жаш ырчынын энеси Асель Мамбетова билдирди.
Конкурска Россия менен Казакстандан да жаш аткаруучулар келишкен. Томирис 67 талантуу балдардын ичинен мыкты ырчы деп таанылды.
Томирис эки жылдан бери вокал менен алектенип, "Таберик" музыкалык театрынан билим алып келет. Учурда жаш талант жеке мектепте экинчи класста окуйт.
Кыздын энесинин айтымында, Томирис эки жылдан бери вокал менен алектенип, "Таберик" музыкалык театрынан билим алып келет. Учурда жаш талант жеке мектепте экинчи класста окуйт.
"Биз аларга катышаарыбыз тууралуу арыз жиберсек, чакыруу жөнөтүшүптүр. Кызым жогорку профессионализми үчүн ардактуу сыйлыкка татыды. Аны конкурстан кийин, гала-концертти бис стилинде ырдап берүүчүн суранышты", — деп айтып берди Мамбетова.
Кыргызстандык кичинекей кыз атактуу Робертино Лореттинин "Жамайка" чыгармасын аткарган Калыстар тобунда Казакстандын аттуу-баштуу Марат Омаров, Айтжан Токтаган сыяктуу маданият кызматкерлери болгон.
Томиристен сырткары Бишкек шаарынан барган №6 Жумамүдүн Шералиев атындагы музыкалык мектептин алдында уюшулган "Жаш Канат" бий тобу да "хореография" номинациясы боюнча биринчи орунду ээлеген. Бул туурасында "Кыргызстан — Астана" кыргыз этномаданий бирикмесинин төрагасы Шавкат Исмаилов кабарлады.
