БИШКЕК, 8-май. — Sputnik. Баткенде Кайгуул милициянын инспекторун капотко жаткырган бойдон бир нече аралыкка сүйрөп кеткен айдоочу кармалды. Бул тууралуу Баткен облустук ички иштер башкармалыгынан кабарлашты.
"Айдоочу 8-май күнү кармалды. Ал Кызыл-Бел айылынын 27 жаштагы тургуну экен", — деп жазылат маалыматта.
Учурда аталган факты боюнча кылмыш иши козголду.
Эске сала кетсек, 6-май күнү борбордук базардын жанындагы Нургазиев көчөсүндө айдоочу Кайгуул милициясынын буйругуна баш ийбей, инспекторду унаасынын капотуна жармаштырган бойдон айдап жөнөгөн.
