БИШКЕК, 1-май. — Sputnik. Бишкекте 30-апрелден 4-майга чейин "Үмүт" медициналык кербендин курамындагы кувейттик дарыгерлер кыргызстандыктарга бекер операция жасашат. Бул тууралуу Саламаттык сактоо министрлигинен билдиришти.
Бишкекке келген 32 адистин ичинде пластикалык, хирург, реаниматолог, анестезиолог, ЛОР-адистери бар.
28 Чын Куран 2017, 18:06
Чет элдик дарыгерлердин Кыргызстанга келиши Кувейттеги элчи Жусупбек Шариповдун жүргүзгөн сүйлөшүүлөрүнүн арты менен ишке ашкан.
Келишимдин алкагында операция жасоо үчүн Улуттук онкология менен Эне жана баланы коргоо улуттук борбору тандалып алынган.
Улуттук онкология борборунун жетекчисинин милдетин аткаруучу Эрнис Тилековдун айтымында, 30-апрелде оор жети операция ийгиликтүү жасалган. Бүгүн 1-майда дагы үч адамга операция жасалды. Ал эми 4-майга чейин дагы 30-40 бейтапты кароо күтүлүп жатат.
