ЖККУ: согушкерлер Сирия, Ирактан Афганистанды көздөй кетип жатат

© AP Photo / Hadi Mizban"Ислам мамлекети" террористик уюмунун согушкерлери. Архивдик сүрөт
Ислам мамлекети террористик уюмунун согушкерлери. Архивдик сүрөт - Sputnik Кыргызстан
Жазылуу
Согушкерлер акырындап отуруп Афганистанды ЖККУнун аймагына экспансия кылуучу плацдармга айлантышы мүмкүн.

БИШКЕК, 28-апр. — Sputnik. "Ислам мамлекети" террордук тобунун согушкерлери Сирия, Ирактан Афганистанды көздөй багыт алып, Жамааттык коопсуздук келишими уюмунун өлкөлөрүнө коркунуч жаратууда. Бул туурасында РИА Новости ЖККУнун башкы катчысынын милдетин аткаруучу Валерий Семериковдун айткандарына таянып кабарлады. 

"Бүгүн "Ислам мамлекетинин" Сирия, Иракта соккуга алынбай калган согушкерлердин агымы Афганистанды көздөй багыт алды. Алар акырындап отуруп бул өлкөнү ЖККУнун аймагына экспансия кылуучу плацдармга айлантышы мүмкүн", — деди Семериков.

Бул маалыматты ал Москвада эл аралык коопсуздук боюнча өткөн конференцияда айтты.

Анын пикиринде, "Талибан" кыймылынан, баңгизаттарын ташуунун арбышынан, ар кыл эл менен диний топтордун тирешүүсүнөн улам, өлкөдө абал татаалданышты.

Жаңылыктар түрмөгү
0