Тинтүү учурунда жети аркардын териси менен 14 даана мүйүзү, төрт тоо текенин териси менен сегиз мүйүзү табылган.
БИШКЕК, 28-апр. — Sputnik. "Ош" бажысынын кызматкерлери аркардын, тоо эчкинин терилери менен 20дан ашык мүйүзү жүктөлгөн унааны кармашты. Бул тууралуу Мамлекеттик бажы кызматынан билдиришти.
Тинтүү учурунда жети аркардын териси менен 14 даана мүйүзү, төрт тоо текенин териси менен сегиз мүйүзү табылган.
Маалыматка ылайык, Кыргызстандын Кызыл китебине кирген жанырбарлардын териси менен мүйүзү Тажикстандан Кыргызстанга келе жаткан машинадан табылган.
"27-апрелде Алай районундагы Сары-Таш айылындагы "Бордөбө" бажы постунан Тажикстандан Кыргызстанды карай келе жаткан УАЗ 33909 үлгүсүндөгү машина токтотулган. Унаадан койдун терилеринин алдына жашырылган аркардын, тоо текенин терилери табылган. Аларды ЕАЭБ мамлекеттеринин аймагына алып кирүүгө уруксат берүүчү документтер болгон эмес", — деп айтылат маалыматта.
Тинтүү учурунда жети аркардын териси менен 14 даана мүйүзү, төрт тоо текенин териси менен сегиз мүйүзү табылган.
Аталган факты боюнча тийиштүү материалдар топтолуп, машина менен табылган нерселер иш толук иликтенгенге чейин Жаратылышты коргоо департаментине сактоого берилди. Учурда бажы кызматы тергөө амалдарын жүргүзүп, анын жыйынтыгы менен материалдарды Ош прокуратурасына берет.
