Мирсулжан Намазаалы: жол кырсыгын токтотууга чакырык таштоого мажбурбуз
Активисттер жол кырсыгын токтотуу боюнча өз сунуштарын тиешелүү органдарга беришти. Бул тууралуу Sputnik Кыргызстан агенттигинин мультимедиалык борборунда өткөн маалымат жыйында активисттердин бири Мирсулжан Намазаалы билдирди.
Анын айтымында, бийлик өкүлдөрүнүн убадаларынын аткарылышын күтүп отуруудан майнап чыкпайт.
"Бишкектеги айдоочунун эки окуучуну сүзүп кетиши, ал айдоочу буга чейин да бир адамды сүзүп, өлтүрүп алганы тууралуу маалымат бизди тынчсыздандырды. Ошондон улам коомчулукка жол кырсыгын токтууга чакырык таштадык. Учурда кол топтоп жатабыз, колдогондордун саны 1000ден ашты", — деди Намазаалы.
Ал негизги сунуштар тиешелүү адамдарга берилгендигин айтып, талаптарды алты ай ичинде аткарууга мүмкүн экенин кошумчалады.
