БИШКЕК, 25-апр. — Sputnik. Кыргызстанда өкмөт тарабынан демилгеленген дааватка тыюу салган мыйзам долбоор Жогорку Кеңештин сайтына жарыяланды.
Мыйзам долбоорго ылайык, дааватчыларга үйлөрдү кыдырып диний үгүт иштерин жасоого тыюу салынат. Мындай эрежени бузгандар административдик мыйзамдарга ылайык жоопко тартылат.
Ошондой эле мыйзам долбоор мамлекеттик экспертизадан өтпөгөн диний адабияттарды, аудио, видео файлдарды таратууга да жол бербейт.
