БИШКЕК, 22-апр. — Sputnik. Иркутск облусунда энеси төрт айлык ымыркайына арак берип өлтүрүп алган. Бул туурасында РИА Новости аймактык Тергөө башкармалыгынын маалымат кызматына таянуу менен билдирди.
Маалыматта шектүү катары 26 жаштагы энеси кармалып, кылмыш иш козголгондугу айтылат.
"Тергөөнүн версиясы боюнча, аял ыйлаган төрт айлык баласын сооротуу үчүн сууга арак кошуп, аны бөтөлкөгө куюп, упчу менен берген. Мунун кесепетинен ымыркай спирттик ичимдикке ууланып чарчап калган. Аялдын андан башка дагы эки баласы болгондуктан, ал энелик укугунан ажыратылган", — деп айтылат кабарда.
Агенттик тергөө иштеринен кийин алдын алуучу иштерди алып барууга тийиш болгон жактардын ишмердүүлүгө да баа берилээрин айтты.
