Кайгуул милициясынын маалыматы боюнча 18-апрель күнү милициянын старшинасы жол эрежесин бузган Mazda-6 үлгүсүндөгү унааны административдик протокол түзүү үчүн токтоткон.
Машинанын 39 жаштагы айдоочусу инспекторго орой мамиле жасап, документтеринин алынганына карабай кетип калууга аракет жасаган.
"Инспектор унаанын алдына чыгып, жардам чакырып жаткан маалда айдоочу аны сүзүп кеткен. Милиционер жыгылып, дароо тура алган эмес, учурда ооруканада", — деп айтылат маалыматта.
Аталган факт Биринчи Май РИИБинде каттоого алынды, учурда териштирүү жүрүп жатат.
Кайгуул милициясы качан күч колдоно аларын Sputnik Кыргызстан материалынан окуңуздар>>
