БИШКЕК, 14-апр. — Sputnik. Бишкек мэриясына караштуу Турак жай-коммуналдык чарба башкармалыгынын жетекчиси Канатбек Эшатов оңдолуп жаткан жолдун жээгиндеги дарактар шаардык кызматтардын көзөмөлүндө кыйылып жатканын маалымдады.
Анын айтымында, мындай иштер дарактардын катуу шамалда кулап калышын алдын алуу максатында жасалып жатат.
"Кыйылган дарактардын ордуна "Зеленстрой" жаңы дарактарды отургузууда. Алар жерге тез ыңгайлашып 50-60 жыл жашайт", — деди Эшатов.
Пилоттук долбоорду шаардыктар Киев көчөсүндөгү оңдоо иштеринен кийин көрө алат.
