БИШКЕК, 13-апр. — Sputnik. "Балдар филармониясы" программасынын алкагында жакында мектеп окуучулары үчүн "Барокконун генийлери" деп аталган бет ачар концерт өтөт. Бул турасында "Роза Отунбаеванын демилгеси" эл аралык коомдук фондусунан кабарлады.
"Филармониянын залында Барокко генийлери – Иоганн Себастьян Бахтын, Георг Генделдин, Вивальдинин чыгармаларынан кыска үзүндүлөр аткарылат", — деп айтылат маалыматта.
Барокко музыкасы – Франциянын жана Италиянын, Германия жана Австриянын монархтарынын ак сарайларында жаңырган жана Европанын маданий жактан гүлдөп-өнүккөн доорундагы музыкасы. Ал учур адамдын музыкалык генийинин туу чокусу болуп калган улуу композиторлордун жана музыканттардын, мыкты опералык аткаруучулардын мезгили болгон.
Концерт Токтогул Сатылганов атындагы улуттук филармониянын чоң залында 2017-жылдын 14-апрелинде болот.
