БИШКЕК, 8-апр. — Sputnik. Индия полициясы токойдо маймылдар менен жашаган кыздын ким экенин аныктап жатат. Бул тууралуу РИА Новости Ассошиэйтед Пресс агенттигине шилтеме берүү менен жазды.
Маалыматка караганда, куткаруучулар Индиянын түндүк тарабындагы токойдон январь айында 10-12 жаштагы кароосуз калган кызды табышкан. Төрт аяктап басып, жылаңач, башын жерге салып тамак жеген кыз өзүн жаныбар сыяктуу алып жүргөн. Ошондой эле ал сүйлөгөндү да билген эмес. Кызды токойдон алып кетип жатканда маймылдар куткаруучуларга кол салып кетирбөөгө аракет жасашкан.
Учурда кыз ооруканада. Полиция анын ата-энесин издеп, кантип токойдо жашап калганы боюнча иликтөө иштерин жүргүзүүдө.
